無意中發現的班戟店：3rd Space

在差館上街見到一間純白色裝潢的咖啡店，陣陣Pancake香味飄出。我同朋友直接入去店內坐下食甜品。

坐是窗邊小木檯前，望住窗外公園的綠植，同窗臺擺放的一排別緻可愛又搞怪的小模型。望住模型，總回想起細個同朋友玩過家家的場景，玩偶同模型都是上賓。雖然張檯是好窄的橫板，但眼前景色令人忘記檯的壓迫感。

皇室伯爵鮮果茶，是咖啡店其中一個熱門商品。一杯冰的伯爵茶中放有藍莓、蘋果片、橙片、檸檬、青檸等，酸酸甜甜，特別解渴。

3rd Space中的招牌甜品是麻糬班戟，店裡有6款口味可供選擇。我揀了日式宇治抹茶。深綠色的Pancake表面烤得焦香，配上一球北海道牛奶雪糕、香蕉、藍莓、燕麥和提子乾。抹茶口味的pancake不太甜，反而帶有抹茶的甘香味。中間包住一塊麻糬，煙煙韌韌，同pancake一齊是一個幾新鮮的組合。食到最後，我反而愛上灑在上面的燕麥片。我一直就鐘意牛奶泡五穀燕麥做早餐或零食，原來同雪糕一齊食都別有一番風味。

3rd Space

地址：上環差館上街16號地鋪