啡遊大坑｜SONNE CAD

我終於去到大坑到此店 Sonne CAD一遊啦！我好明白咖啡當然是即沖屬最好（Cold Brew，Ice Drip例外）

Sonne Cad有其特色，先講建築，當你見到大大木門，兩層高的唐樓，其實在你眼前是由戰前改建及活化而成，所以你會感受到這幢建築物有懷舊風但內部是現代設計。

推開大門，會見到樓下有幾張高枱及有個coffee corner，這裡會以虹吸或手沖可供客人體驗一下不同國家的咖啡豆。咖啡豆選擇都幾多，有埃塞俄比亞、肯亞、危地馬拉、印尼、巴西、薩爾瓦多等，價錢不一。當然，還看大家鐘意什麼口味，而咖啡師會為你介紹，推薦一款你合心水的咖啡。

今次我飲了Kenya Washed和Guatemala Natural，Kenya含檸檬酸度，甜度正常，但body有少少澀口，後段herbal味會慢慢呈現，適合初嘗精品咖啡者或學飲精品咖啡的。Guatemala 手沖正常，酒香明顯，甜度高，但凍了就帶有少許澀味。

我喜歡二樓上層，座位比較多而且可以坐下由紙折疊而成的長櫈，同朋友仔飲下啡傾下計都幾好的。

咖啡店無論以什麼形式存在都好，都有佢獨特及特式的地方，至於是否現場即沖，還看50年後人手被機器取代之時，Hand crafted coffee才有真正的賣點，我說的！

Sonne CAD： 大坑新村街16號地鋪

Cover: Coffee Now Today